هاوکات لەگەڵ ڕێوڕەسمی بەڕێکردنی تەرمی پاکی ڕێبەری موجاهدی شەهیدی شۆڕشی ئیسلامی، کەسایەتییە دیارەکانی لوبنان بە ڕێزگرتن لە پێگەی بەرزی ئەو ئیمامە شەهیدە، جەختیشیان کرد لەسەر درێژەپێدانی ڕێگای خۆڕاگری و پشتیوانی لە ئارمانجی فەلەستین.

شێخ نەعیم قاسم، ئەمینداری گشتیی حیزبوڵڵای لوبنان، لە کۆڕ و کۆبوونەوە جەماوەرییەکاندا کە هاوکات لەگەڵ ڕێوڕەسمی بەڕێکردنی تەرمی پاکی ڕێبەری موجاهدی شەهیدی شۆڕشی ئیسلامی بەڕێوەدەچوو، ئایەتوڵڵا سەید عەلی خامنەیی بە کەسایەتییەکی بێوێنە لە مێژووی هاوچەرخ و ڕێبەرێکی ناوازە وەسف کرد و وتی: بەڕێزیان هەمیشە پشتیوانی خۆڕاگری بوو. شێخ نەعیم قاسم ئامادەبوونی بەربڵاوی خەڵک لە ڕێوڕەسمی بەڕێکردنی تەرمی پاکی ڕێبەری موجاهدی شەهیدی شۆڕشی ئیسلامی هەم لە ئێران و هەم لە عێراقی بە نیشانەی ئەمەگداریی خەڵک زانی بەرامبەر بە ئارمانجەکانی شۆڕشی ئیسلامی و راشیگەیاند: ڕێگا و ڕێبازی خۆڕاگری بە ڕێبەرایەتیی ئایەتوڵڵا سەید موجتەبا خامنەیی، بەردەوام دەبێ.