لە سەروبەندی 16ی مارس ، کۆمه‌ڵه‌ى قوربانیانى هه‌ڵه‌بجه بایکۆتى یادى کیمیابارانى راگەیاند
کۆمه‌ڵه‌ى قوربانیانى هه‌ڵه‌بجه بایکۆتى یادى کیمیابانى پارێزگاى هه‌ڵه‌بجه‌ى ڕاگه‌یاندو سه‌رۆکى کۆمه‌ڵه‌که‌ش ڕایده‌گه‌یه‌نێت، "به‌هۆى پشتگوێخستنى که‌سوکارى شه‌هیدان ئه‌م بڕیاره‌یانداوه".
لوقمان عه‌بدولقادر سه‌رۆکى کۆمه‌ڵه‌که بە میدیای به‌شارپرێسى ڕاگه‌یاند، "به‌هۆى زۆرى کێشه‌کانى که‌سوکارى شه‌هیدان‌و به‌ده‌مه‌وه نه‌هاتنى حکومه‌ت له‌وانه کێشه‌ى ونبوه‌کان، تاقانه‌کان، برینداره‌کان‌و که‌سوکارى شه‌هیدان به‌گشتى بڕیاریانداوه بایکۆتى مه‌راسیمه‌کانى یادى کیمیابارانى شاره‌که بکه‌ن".
وتیشى:"یه‌کێکى تر له‌کێشه‌کانیان ڕاگرتنى ئه‌و سلفانه بوو که خانووى پێ دروستده‌کرا بۆ که‌سوکارى قوربانیه‌کان".34
ساڵ تێده‌په‌ڕێت به‌سه‌ر کیمیابارانى شارى هه‌ڵه‌بجه‌و تائێستا حکومه‌تى هه‌رێم نه‌یتوانیوه وه‌ک پێویست ئاوڕ له‌که‌سوکارى 5 هه‌زار قوربانیى کیمیابارانى هه‌ڵه‌بجه بداته‌وه.
