بوردومانی باکووری عێراق بە ھۆی فڕۆکە شەڕکەرەکانی تورکیاوە
نیسان 02, 2022 15:23 Asia/Tehran
سەرچاوەیەکی میدیایی باسی بوردومانی ناوچەگەلێکی باکووری عێراقی کردووە بە ھۆی فڕۆکە شەڕکەرەکانی سوپای تورکیاوە.
بە پێی نووسینی ڕۆژی شەممەی ماڵپەڕی مەعلومە، فڕۆکە شەڕکەرەکانی سوپای تورکیا ناوچەگەلێکی باکووری عێراقیان لە پارێزگای دھۆکی ھەرێمی کوردستان لە سنووری تورکیا لەگەڵ عێراق بوردومان کردووە بە بیانووی بەرنگار بوونەوەی چەکدارانی پەکەکە.
فڕۆکەشەڕکەرەکانی تورکیا ھەروەھا دووجار بەرزاییەکانی «مام ڕەشا» و «کورزا» یان لە ناوچەی شیلادزێ کردووەتە ئامانج.
تورکیا لە ماوەی ساڵانی ئەم دواییە بە بیانووی سەرکوت کردنی چەکدارانی پارتی کرێکارانی کوردستان گەلێک جار ھێرشی کردووەتە سەر خاکی عێراق کە ئەم سنووربەزاندنانە لەگەڵ کاردانەوەی توندی دەوڵەتی عێراق و وڵاتانی دیکەی جیھان بەرەوڕوو بووەتەوە.
