SAHAR

بەگوێرەی هەواڵی میدیای عێراقی لایەنەکانی ناو چوارچێوەی هەماهەنگی رەزامەندی خۆیان نیشانداوە بۆ ئەوەی پشتیوانی نوری مالیکی بکەن بۆ ئەوەی پۆستی سەرۆک وەزیرانی عێراق وەربگرێتەوە.

دوێنێ سێشەممە، ، سەرچاوەیەکی نزیک لە بارەگای بارزانی ئاشکرای کردوە، مەسعود بارزانی دژی ئەوەیە جارێکی تر مالیکی ئەم پۆستە وەربگرێتەوە، بەو پێیەی لەسەردەمی ئەو زۆر کێشە و ئاریشتە رووی لە عێراق و هەرێمی کوردستان کردووە.سەرچاوەکە ئەوەشی وتووە بارزانی، پێی وایە کە ئەگەر چوارچێوەی هەماهەنگی پێداگرن لە دیاریکردنی کاندید پێویستە کەسێکی تر جگە لە مالیکی بهێننە پێش.

رۆژی یەکشەممەی رابردوو، موقتەدا سەدر فەرمانی بە تەواوی ئەندامانی فراکسیۆنەکەی کرد دەستلەکارکێشانەوەکانیان بدەنە سەرۆکایەتی پەرلەمان، دواتریش سەرۆکی پەرلەمان واژۆی لەسەر کرد.