ساڵڕۆژی شەهیدبوونی یازدەهەمین ئەستێرەی گەشی ئاسمانی ئیمامەت و ویلایەت ئیمام حەسەن عەسکەری (ع)
-
ساڵڕۆژی شەهیدبوونی یازدەهەمین ئەستێرەی گەشی ئاسمانی ئیمامەت و ویلایەت ئیمام حەسەن عەسکەری (ع)
ئەمڕۆ (پێنجشەم) هەشتەمی مانگی ڕەبیعولئەوەڵی ساڵی ١٤٣٨ی کۆچی ڕێکەوتە لەگەڵ 8ی دێسەمبەری ساڵی 2016 و ساڵڕۆژی شەهیدبوونی یازدەهەمین ئەستێرەی گەشی ئاسمانی ئیمامەت و ویلایەت ئیمام حەسەن عەسکەری (ع) .
هەشتەمی ڕەبیعولئەوەڵی ساڵی ٢٦٠ی کۆچی، ئیمام حەسەن عەسکەری (ع) لە بەرە و تۆرەمەی پاکی حەزرەتی محەممەدی مستەفا (د.خ) لە شاری سامڕا هەڵکەوتوو لە باکووری ئێراق شەهید کرا.باوکی مەزنی ئیمام حەسەن عەسکەری (ع) ، حەزرەتی ئیمام هادی (ع) لە ئالوبەیتی پێغەمبەری نازداری ئیسلام (د.خ) بوو و دایکی ئەو حەزرەتەیش، خاتوونێکی زانا و خاوەن فەزیلەت و خێرخواز بوو.ئیمام حەسەن عەسکەری (ع) پاش شەهید بوونی باوکی، ڕێبەری و بەرپرسایەتیی ئایینی موسڵمانانی گرتە ئەستۆوە.ئەم ئیمامە مەزنە لە ڕێبازی زانستی خۆیدا، زانایانی بلیمەت و خاوەن فەزیلەتی زۆری پەروەردە کردووە کە هەرکامەیان بە بەجێ هێشتنی کتێب و پەرتووک و نامیلکەی زۆر لە بواری جۆربەجۆری زانستی ئیسلامیدا، هەنگاوی بنیاتنەریان لە پێناو گەشەپێدانی زانستە ئیسلامییەکاندا هەڵگرتووە.
تەمەنی ٢٩ ساڵەی ئیمام حەسەن عەسکەری (ع) دابەش دەبێ بە سێ قۆناغ: قۆناغی یەکەم ١٣ ساڵە کە ژیانی ئەو حەزرەتە لە مەدینە تێپەڕ بوو، قۆناغی دوەم ١٠ ساڵە کە لە سامڕادا و پێش ئیمامەت بووە و قۆناغی سێهەمیش نزیکەی ٦ ساڵ ئیمامەتی ئەو حەزرەتە دەگرێتەوە.سەردەمی ئیمامەتی ئیمام حەسەن عەسکەری (ع) هاوکات بووە لەگەڵ پەرەی بە ڕواڵەتی دزە و دەسەڵاتی خەلیفەکانی بەنی عەباس، ئەو خەلیفانەی کە بە لاسایی کردنەوەی هاروون لە نیشان دانی توانا و هێز و دەسەڵاتیان یەکجار بەرزەفڕ بوون.ڕێکخراوی ڕادیۆ و تەلەڤزیۆنی کۆماری ئیسلامیی ئێران ساڵڕۆژی شەهید بوونی ئیمام حەسەن عەسکەری (ع) لە هەموو ئەڤیندارانی ئالوبەیتی پاکی ڕەسووڵی خودا حەزرەتی محەممەد مستەفا (ص) سەرەخۆشی دەکات.
