سوپای تورکیا سێ ناوچەی عەفرینی سوریای گرت
سوپای تورکیا و تیرۆریستانی هاوڕێی واتە ئەرتەشی ئازاد ئەمڕۆ چوارشەممە ناوچەکانی عەزاوییە، کوران و یابسەیان لە عەفرینی سوریا خستە دەستی خۆیان .
بەپێی ڕاپۆرتی ئیرنا، میدیاکانی سوری ڕایانگەیاند کە ئەم ناوچە داگیرکراوانە لە باکووری ڕۆژهعەڵاتی جەندریس و باشووری ڕۆژهەڵاتی بابل لە ناوچەی عەفرین بووە .
سوپای تورکیا و تیرۆریستانی هاوڕێی پەلامارەکانی خۆیان بە کەڵک وەرگرتن لە چەشنی جۆربەجوری چەک و کەرەستەی سەربازی بۆسەر شارۆچکەکان و ناوچەکانی جندریس ، شێخ جەدید ، راجو، بلبل لە ناوچەی کوردنشینی عەفرینی پارێزگەی حەڵەب، توندتر کردووە.
هێزی دیموکراتیکی سوریا ئەمڕۆ ڕایانگەیاند کە لە بیست و چوار کاتژمێری ڕابردوودا حەفتا و یەک هێزی تورک و هێزی چەکداری سەربەوانیان لە عەفرینی سوریا کوشتووە.
بیست و پێنج کەس لەم کەسانە کەلە بیست و چوار کاتژمێری ڕابردوو لە تێکهەڵچوون لەگەڵ کوردەکانی سوریا لە ناوچەکانی جەندریس ، شێخ حەدید، راجو، بلبل لە عەفڕین کوژراون هێزی سوپای تورکیا و ئەوانی تر سەربە سوپای ئازادی سوریان.
یەپەگە ڕۆژی ڕابردوو ڕایگەیاند سوپای تورکیا هەموو ڕێگەکانی عەفرینی سوریای خستوەتە بەر پەلامار بەڵام گەمارۆ درانی ئەم ناوچەیە درۆیە و ئەوەش تەبلیغاتە لەلایەن تورکیاوە.
