سەرۆکی باڵی سەدری عێراق ، خەڵکی ئەو وڵاتەی بانگهێشت کرد بۆ بەرپاکردنی خۆپێشاندانی ملوێنی بەمەبەستی شەرمەزارکردنی ئامادەبوونی سەربازانی ئەمریکی و دەسدرێژکاریەکانیان لە عێڕاقدا.

"موقتەدا سەدر" سەرۆکی باڵی سەدری عێراق رۆژی سێ شەممە بەئاماژە بەوەی کە هێزە دەسدرێژکارە ئەمریکییەکان، ئاسمانی عێراق و سەروەریەکەیان بەزاندووە ، ڕوو لە خەڵکی وڵاتەکەی وتی: ئیرادەتان بەهێزبکەن و یەکبگرن و بەهەموو جیهانی بسەلمێنن کە لەهەمبەر ئیستکباری جیهانیدا بەچۆکدانایەن.

موقتەدا سەدر هەروەها جەختی کرد لەسەر بەڕێوەبردنی گردبوونەوەی جەماوەری، سیاسی و پەرلەمانی بەئامانجی پاراستنی مەزنایەتی و سەروەریی عێراق و گەلی ئەو وڵاتە.