ڕابەری ئەنساروڵڵای یەمەن ساڵگەڕی لەدایک بوونی پێغەمبەری ئیسلام (ص) ی بە بۆنەو بەستێنێکی گرینگ زانی لەمەر ھێزمەندکرانی پەیوەندییە کلتووری و ئایینییەکانی جیھان و پێشگرتن بە بایەخە ئیسلامییەکان.

بە پێی ڕاپۆرتی تەلەفزیۆنی مەسیرە، «سەیید عەبدولمەلیک حوسی» ڕابەری ئەنساروڵڵای یەمەن ڕۆژی سێ شەممە لە سەروبەندی گەییشتنی ساڵگەڕی لەدایک بوونی پێغەمبەری ئیسلام (ص)، ئەم ڕۆژەی بە گەوزەترین بۆنە زانی و وتی: لەوەتەی چەواشەکاری و لادان لە ئایینی ئیسلام دا بە ھۆی دوژمنانەوە سەری ھەڵداوە، گرفتی کلتووریی زۆر بۆ ھێندێک لە وڵاتانی موسڵمان بەدی ھاتووە.

حوسی لادانی کلتووریی لە نێو بڕێک لە وڵاتانی ئیسلامی دا بە ھۆکاری سەرەکیی سوکایەتیکران بە قورئان و پێغەمبەر(ص) زانی و وتیشی: وتەکانی سوکایەتیکارانەی «ئێمانۆئێل مەکرۆن» سەرۆک کۆماری فەرەنسا لە بارەی پێغەمبەری ئیسلامەوە، وتەیەکی دوژمنانەی دژی ئوممەتی ئیسلامی و لە ئاتراستەی پێخۆشبوونی زایونیزمە.