• سوریا داوای پێ وشوێن گرتنی تاوانکارییەکانی هاوپەیمانیی ئەمریکی کرد

نوێنەری سوریا لە نەتەوەیەکگرتووەکان وێڕای پێداگری لەسەر ئەمەی ئەمریکا دەبێ کۆتایی بە هەڵەکانی بێنێ ، داوای لە نەتەوەیەکگرتووەکان کرد تاوانکاریی هاوپەیمانیی ئەمریکی بە دژی خەڵکی سوریا، پێ وشوێن بگرێت .

بەپێی ڕاپۆرتی ئیرنا، بەشار  جەعفەری  ڕۆژی دووشەممە لە کۆبوونەوەی  ئەنجومەنی ئاسایشی  نەتەوەیەکگرتووەکان کە بە پێی بڕیارنامەی  2401، هاوپێوەندە بە ئاگربڕی کاتی لە سوریا و ڕاپۆرتی سکرتێری گشتی ئەم ڕێکخراوەیە سەبارەت بە چۆنیەتی جێبەجێ کرانی  بەڕ ێوە چوو، وتی  :  بەشێکی زۆرتری  تاوانکارییەکان لە سوریا هاوپێوەندە بە هێزەکانی ئەمریکایی  . 

نوێنەری سوریا لە نەتەوەیەکگرتووەکان  بە ئاماژەدان بە کوژرانی  زۆری خەڵکی سیڤیلی سوری لە پەلاماری ئاسمانی هاوپەیمانیی ئەمریکی بە بیانووی بەرەنگار بوونەوەی تیرۆریزم لە سوریا وتی : سکرتێری گشتی نەتەوەیەکگرتووەکان زانیاری زۆری لەسەر لێکدانەوەی ڕەوشی  سوریا لەبەر دەست دانییە  . 

بەشار جەعفەری  ڕوو لە هاوتای ئەمریکی خۆی  وتی  :  ماوەیەکی زۆرە کە دەوڵەتی ئەمریکا  دەرس  لە هەڵەکانی خۆی ناگرێ و دەبێ  کۆتایی بەم هەڵانە بدات  . 

نوێنەری سوریا لە نەتەوەیەکگرتووەکان  هەروەها وتیشی :  هیوادارین  نەتەوەیەکگرتووەکان   کۆتایی بێنێ بە دەستدرێژی و پەلامارەکانی تورکیا بۆسەر عەفرین.

ئەمریکا بە بیانووی  بەرەنگار بوونەوەی تاقمی تیرۆریستی بەشێوەی نایاسایی  لە سوریا ئامادە بوونە  . 

ئامادەبوونی نایاسایی  واشینگتۆن لە سوریا بەبیانووی بەرەنگار بوونەوەی تیرۆریزم لە حاڵێکدایە کە دوناڵد ترەمپی  سەرۆکی ئەمریکا  دانی ناوەتەسەر ئەمەی  ئەم وڵاتە  هۆکاری سەرەکی پێکهاتنی تاقمە تیرۆریستییەکان لەوان داعش لە سوریا و ئێراقە.

 

Mar 13, 2018 11:07 Asia/Tehran
بۆچوونت