مۆسکۆ : تورکیا بەرپرسی کێشەو گرفت لە ئیدلەبە
وتەبێژی کۆشکی سەرۆک کۆماریی ڕووسیا "کرێملین" ڕایگەیاند: مۆسکۆ، حکومەتی تورکیا بە بەرپرسی بارودۆخی ئاڵۆزی ئیدلەبی سوریا دەزانێ.
بەپێی ڕاپۆری کەناڵی ئەلئەخبارییە، دیمیتری پێسکۆف رۆژی سێ شەممە وتی: بەپێی ڕێککەوتنەکانی سوچی، بەرپرسایەتی بارودۆخی پڕکێشەو ئاڵۆزی ئیدلەبی سوریا، لەئەستۆی تورکیایە.
وتەبێژی کرێملین وتی: دانوستانەکانی ئەمڕۆ سێ شەممەی"ڤلادیمیر پوتین" سەرۆک کۆماری ڕووسیاو هاوشانە تورکەکەی واتە "رەجەب تەییب ئەردۆغان" لە مۆسکۆ لەسەر بارودۆخی ئاڵۆز و قەیرانیی ئیدلەب بەتایبەت لەسەر گیروگرفتەکانی سوریا چڕدەبێتەوە.
پێسکۆف پێی داگرت: پوتین نیگەرانی چوونەسەری ئاستی دەسدرێژکاریی وکردەی تێکدەرانەی ترۆریستان لە ئیدلەبی سوریایە.
سەرۆک کۆماری تورکیا رۆژی دووشەممە بەئاماژە بەسەفەری ئەمڕۆسێ شەممەی خۆی بۆ ڕووسیاو دیدار لەگەڵ هاوشانە ڕووسەکەی ڤلادیمیر پوتین، وتی: چەکدارانی تورک بێتوو دیپلۆماسی شکست بێنێ دەچنە باکوری رۆژهەڵاتی سوریا.
