ئیبراهیم بیرۆ ئەندامی لیژنەی پێوەندیە دەرەوەییەکانی ئەنجوومەنی نیشتمانیی کوردانی سوریا گوتی : لە نێوان PYD و ENKS لە بارەی پرسە سیاسیەکانەوە جیاوازیی زۆر هەیە .

بەپێی راپۆرتی کوردپرێس ، ئیبراهیم بیرۆ ، لە لێدوانیکدا بە پێداگری لەسەر ئەوەی کە " هەوڵدان بۆ گۆڕینی داڕشتی دیموگرافیکی ناوچەکە و هەروەها ئامادەبوونی هێزە چەکدارەکان لە ناوچەکەدا هەڕەشەی جددی لێکەوتووەتەوە ، گوتی : ئەنجوومەنی نیشتمانیی کوردانی سوریا لە بارەی ئەم هەڕەشانە لە گەڵ مەسعوود بارزانی و نێچیروان بارزانیی سەرۆکی هەرێم دیدار کرد .  لەم دیدارەدا بە پەرۆشیی خۆمان لە بارەی ئەم پرسانە راگەیاند  . ئەوانیش بە ئێمەیان راگەیاندووە ئامادەی داکۆکیی دیپلۆماتیک لە ئێمەن .

 بیرۆ هەروەها گوتی : ئێستا کارێک کە PYD  دەبێ ئەنجامی بدات ، کردنەوەی دانوستانێکی بەرفراوان لە گەڵ هەموو گەلی سوریایە  . بۆ گەیشتن بەم ئامانجەش دەبێ دیالۆگی خۆمان لە ژێرچاوەدێریی لایەنە نێودەوڵەتیەکان لە گەڵ حکومەتی سوریا درێژە پێ بدەین .