فەرمانی سەرۆک وەزیرانی ئێراق بۆ هەڵکردنی ئاڵای ئەو وڵاتە لە کەرکووک
سەرۆک وەزیرانی ئێراق فەرمانی دا ئاڵای ئەو وڵاتە لە کەرکووک هەڵبکرێت .
بە گوێرەی ڕاپوڕتی ئەلعالەم حەیدەر عیبادی سەرۆک وەزیرانی ئێراق ئەمڕۆ دووشەمە لە بەیاننامەیەکدا ڕایگەیاند ئاڵای نیشتمانی ئەو وڵاتە دەبێ بەسەر دامەزراوە دەوڵەتیەکانی پارێزگای کەرکووک و ناوچەکانی دیکەی ناکۆکی لەسەر و لە ژێر کونتڕوڵی کوردەکان هەڵبکرێت . هێزە ئێراقیەکان ئەمڕۆ لە درێژەی پێشڕەوی خۆیان چوونە ناو شاری کەرکووک . یەکێک لە بەرپرسانی باڵای وەزارەتی نەوتی ئێراقیش ڕایگەیاند هێزەکانی ئێراقی لە داهاتووی نزیک دا هەموو کێڵگە نەوتیەکانی پارێزگای کەرکووکیش کونتڕۆڵ دەکەن و ئوپراسیونی کەڵک وەرگرتن لەو کێڵگەگەلە لە داهاتووی زور نزیک دا دەس پێ دەکرێت . ئەو چاڵە نەوتیانە لە کاتی پەلاماری داعش لە ژوئەنی 2014 لە کونتڕۆڵی هێزە ئێراقیەکان دەرهاتبوو و دوای زەبرگەلێک کە لەو تاقمە تێڕۆڕیستیە کەوت هێزەکانی پێشمەرگەی کورد کونتڕوڵیان گرتە دەست . سەرچاوە هەواڵیەکانی ئێراقیش ڕایانگەیاند پارتە کوردەکان نووسینگە و ناوەندەکانی خۆیان لە شاری مەند ه لی لە ڕۆژهەڵاتی پارێزگای دیالە لە ڕۆژهەڵاتی ئێراقیان چۆڵ کرد .