وەزیری دەرەوەی ئاڵمان گەیشتە تاران
ھایکۆ ماس وەزیری دەرەوەی ئاڵمان سەرلەبەیانی ئەمڕۆ دوشەممە بەمەبەستی دیدار و وتووێژ لە گەڵ کاربەدەستتانی کۆماری ئیسلامیی ئێران گەیشتە تاران .
بە پێی راپورتی ھەواڵدەریی فارس ، ھایکۆ ماس سەرەتا لەگەڵ موحەممەد جەواد زەریف وەزیری دەرەوە و لە پاشان لە گەڵ حەسەن روحانی سەرۆکی کۆماری ئیسلامیی ئێران لە بارەی پرسە جیاجیاکان لەوان دوایین رەوشی رێککەوتنی ناڤوکی و ھەروەھا کاناڵی تایبەتی تیجارەتی ئوروپا لە گەڵ ئێران ناسراو بە ئینستێکس راوێژ دەکات .
ئوروپا ٣١ ی ژانیڤەری ٢٠١٩ سەرەنجام دوای چەندین مانگ ، بەفەرمی وەڕێخستنی کاناڵی تایبەتی تیجارەت لە گەڵ ئێران ناسراو بە ئینستێکسی راگەیاند ، کەچی ئەم کاناڵە ھێشتا نەکەوتووەتە کار .
مای ٢٠١٨ ھاوکات لە گەڵ کشانەوەی ئەمریکا لە بەرجام ، بیرۆکەی وەڕێخستنی کاناڵێکی دارایی بۆ ھاسانکاریی بازرگانی کردنی کۆمپانیا بچووک و مامنێونجیەکانی ئوروپایی لە گەڵ ئێران ھاتە ئاراوە . لەو کاتەوە ، ئوروپا ھەر جار تۆمارکردنی ئەم میکانیمزەی بە بیانووی جیاجیاوە دواخستووە .
