خەتیب زادە : ئێران دانوستانی بێ کۆتایی ناکات
حوزه‌یران 27, 2021 12:23 Asia/Tehran
وتەبێژی وەزارەتی دەرەوەی ئێران بە وتنی ئەوەی کە پێمان وایە ڕێککەوتن دەکرێت، بە مەرجی ئەوەی کە ئەمریکا بڕیار بدات کە میراتی شکست ھێناوی ترامپ بنێتە لاوە، نووسی: ئیران دانوستانی بێ کۆتایی ناکات.
بە پێی ڕاپۆرتی ئاژانسی هەواڵی مێهر، سەعید خەتیب زادە وتەبێژی وەزارەتی دەرەوە بە ئاماژە بە ڕەوتی دانوستانەکانی ڤیەنا، لە هەژماری تویتەری خۆی نووسی: ئێمە بە پێی پێبەند بوونی جیدیمان بە پاراستنی ڕێککەوتنی ناڤۆکی، چالاکترین لایەن لە ڤیەنا بووین و زۆربەی ڕەشنووسەکانمان پێشنیار کردووە.
ناوبراو جەختی کرد: هێشتا پێمان وایە کە ئەگەری ڕێککەوتن هەیە، بە مەرجی ئەوەی کە ئەمریکا بڕیار بدات میراتی شکست ھێناوی ترامپ بنێتە لاوە. ئێران دانوستانی بێ کۆتایی ناکات.
