خەتیبزادە : سیاسەتی ئابلۆقەدانی ئێران دەستکەوتێکی بۆ ئەمریکا نەبووە
وتەبێژی وەزارەتی دەرەوەی ئێران وتی: سیاسەتی بایکۆت هیچ یەک لە ئامانجەکانی ئەمریکای بەدی نەهێناوە و لەمەوبەدواش بەدیی ناهێنێت.
سەعید خەتیب زادە وتەبێژی وەزارەتی دەرەوەی ئێران لە کاردانەوە بە هەوڵەکانی ئەم دواییەی خەزێنەداری ئەمریکا لە بایکۆتکردنی کەسایەتییەکانی ئێران، وێڕای ئیدانە کردنی ، ڕایگەیاند: سەپاندنی گەمارۆی نوێ نیشاندەری هەڵسوکەوتی دووفاقیی کۆشکی سپییە. دەوڵەتێک کە باس لەسەر گەڕانەوە بۆ ڕێککەوتنی ناڤۆکی دەکات و ڕێگای ترامپ بۆ سەپاندنی گەمارۆ درێژە دەدات، ئەو پەیامە دەنێرێت کە بەهیچ لەونێک ناتوانرێت متمانەی پێ بکرێت.
ناوبراو گوتیشی: ئەو جۆرە هەوڵانەی ئەمریکا لە بەردەوام بوونی سیاسەتە شکست هێناوەکانی گوشاری زۆرینەی دەوڵەتی ترامپ و گەمارۆی نایاسایی و ستەمکارانەی ئەو وڵاتەیە و هەر ئەو جۆرە کە تا ئێستا ئەو سیاسەتە هیچ ئامانجێکی ئەمریکای بەدی نەهێناوە دیسان هیچ دەستکەوتێکی بۆ ئەو وڵاتە نابێت جگە لە شکستی نوێ.
خەتیب زادە جەختی کردەوە: ئەو گوشار و گەمارۆیانە هیچ کێشەیەک لە ورەی کۆماری ئیسلامی ئێران لە بەرگری لە ئاسایشی خەڵکی وڵات دروست ناکات.
