«عەلیرەزا ئەکبەری» سیخوڕی دەزگای هەواڵگریی نهێنیی بەریتانیا سزای لەسێدارەدانی بۆ جێبەجێ کرا.

ناوەندی میدیایی دەسەڵاتی دادوەریی ئێران ڕایگەیاند: «عەلیڕەزا ئەکبەری» تاوانباری دووڵاتەی سەربە ئێران و بەریتانیا، کە بە تۆمەتی ئەوپەڕی گەندەڵی و کردەوەی بەربڵاو  دژی ئاسایشتی نێوخۆ و دەرەوەی وڵات لە ڕێگەی سیخوڕی کردن بۆ دەزگای هەواڵگریی حکومەتی بەریتانیا، سزای لە سێدارەدانی بەسەردا سەپێندرابوو ، سزاکەی بۆ جێبەجێ کرا.

بەگوێرەی ئەو دادنامەیەی کە دەرچووە، کارەکانی ئەم تاوانبارە لە ماوەی ساڵانی ڕابردوو ھەنگاوی دژی ئاسایشی نیشتیمانیی وڵات، سیخوڕی کردن بۆ بەریتانیا، پەیوەندی لەگەڵ دەزگای سیخوڕیی MI6 و کۆبوونەوەی جۆربەجۆرو بەرفراوان لەگەڵ ئەفسەرانی هەواڵگریی دوژمن لە وڵاتە جیاوازەکان و ماوەی درێژخایەنی سیخوڕی، لە نمونەی تاوانە بەربڵاوەکانی ناوبراو دژی ئاسایشی نێوخۆ و دەرەوەی وڵاتن، بە جۆرێک کە بووەتە ھۆی تێکدرانی توندی ڕێکمەندیی گشتیی وڵات لە ئاستێکی بەربڵاودا.