وەزیری دەرەوەی ئێران : تاوانکارییەکانی ئیسرائیل بنەمای قەیرانەکانە
نیسان 19, 2024 17:38 Asia/Tehran
حسێن ئەمیر عەبدوڵڵاهیان لە وتووێژ لەگەڵ سی ئێن ئێن وتی : شەوی یەکشەممەی ڕابردوو ئێمە وڵامی پەلاماری رژێمی زایۆنیستی بۆسەر کۆنسوڵخانەی کۆماری ئیسلامیی ئێران لە دیمەشقمان دایەوە .
وڵامی ئێمە بە ڕژێمی زایۆنیستی بەشێوەی بەرتەسک و زۆر کەم بوو . ئەمە لەحاڵێکدا بوو کە ئێمە ئەمانتوانی وڵامێکی توندتر بدەینەوە بە رژێمی ئیسرائیل.
وەزیری دەرەوەی ئێران وتیشی ئەگەر بێت و ڕژێمی ئیسرائیل دیسانەوە دەست بداتە ئاژاوەگێڕی و هەوڵدان بەدژی بەرژەوەندییەکانی ئێمە ، وڵامی دواتری ئێران خێرا بەهێزترو بەبڕ شتانە تر دەبێت.گ
ناوبراو وتیشی ئێمە بە دوای ئەوەدا نین کە ئاڵۆزی و قەیران لە ناوچەی ڕۆژهەڵاتی ناوەڕاست پەرە بستێنێ کە وایە هیوادارین ڕژێمی ئیسرائیل هەڵەی پێشووی دوپات نەکاتەوە.
