هەوڵی تورکیا بۆ درێژەی پرۆسەی ئەندامەتی لە یەکیەتی ئوروپادا
سەرۆکی تورکیا لەسەر درێژەی پرۆسەی ئەندامەتی لە یەکیەتی ئوروپادا جەختی کردەوە .
رەجەب تەییب ئەردۆغان شەوی رابردوو بە بڵاوکردنەوەی بابەتێک لەسەر لاپەڕەی خۆی لە توویتەردا لە بارەی سەردانی فەرمیی خوی بۆ ئاڵمان نووسی ، تورکیا نابێ بۆ ئەندامەتی لە یەکیەتی ئوروپادا تووشی لەمپەر بێت و هیوادارە ئاڵمان لەم بارەوە یارمەتی تورکیا بدات .
ئەردۆغان وتیشی شەش بڕگەی باقی ماو بۆ دەسپێکی دەرچوونی ڤیزا بۆ هاوڵاتیانی تورکیا لە لایەن وڵاتانی یەکیەتی ئوروپا بە خێرایی جێبەجێ دەکات .
داخوازی فەرمیی تورکیا بۆ ئەندامبوون لە کۆمەڵگەی ئوروپایی کە دواتر ناوی بوو بە یەکیەتی ئوروپا ، لە 14 ی نیسانی 1987 دەست پێ بوو و تورکیا لە 12 ی دیسامبری 1999دا بە فەرمی وەک بەربژاری ئەندامەتی لە یەکیەتی ئوروپادا ناسرا و دانوستان بۆ پەیوەست بوونی تورکیا بە یەکیەتی ئوروپا لە سێی ئوکتوبری 2005 وە دەست پێ بوو .
