جەختی وەزیرانی دەرەوەی پاکستان و تورکیا لە سەر دامەزرانی ئاشتی لە ئەفغانستان
تشرینی یه‌که‌م 07, 2020 17:39 Asia/Tehran
وەزیرانی دەرەوەی پاکستان و تورکیا لە وتووێژێکی تەلەفۆنی دا ڕۆژی چوارشەممە لە ڕەوتی دانوستانی ئاشتی لە نێوان دەوڵەتی ئەفغانستان و تالیبان لە قەتەر جەختیان کرد.
«شامەحمود قورەیشی» وەزیری دەرەوەی پاکستان لەم وتووێژە تەلەفۆنییەدا لە سەر کۆتایی ھاتنی شەڕ، دامەزرانی ئاگربڕی سەرتاسەری و دابین کرانی ئاسایشت لە ئەفغانستان جەختیان کرد.
«مەولوود چاووش ئوغلو» وەزیری دەرەوەی تورکیاش داوای لە دەوڵەتی ئەفغانستان و تاقمی تالیبان کرد کە کۆتایی بەشەڕ بھێنن ھەتا جارێکی تر ئەھوەنی بۆ ئەو وڵاتە بگەڕێتەوە.
ئەمە لە کاتێکدایە کە دانوستانی ئاشتی لەنێوان دەوڵەتی ئەشرەف غەنی و تالیبان لە قەتەر دوای تێپەڕینی سێ حەوتە ھەتا ئێستا ھیچ دەرەنجامێکی نەبووەو ھێرش و قەڵاچۆ ھەروا بەردەوامە.
