بانکەکانی روسیا لە سیستمی سویفت جیاکرانەوە
ئەمریکا ، کەنەدا ، فڕەنسە ،ئیتاڵیا ، ئینگلس ، ئاڵمان و کۆمیسیۆنی ئەوروپا بانکەکانی روسیایان لە سیستمی سویفت جیاکردەوە .
دوای ئەوەی کە کۆمیسیۆنی ئەوروپا رایگەیاند داراییەکانی بانکی ناوەندیی روسیا دادەخات ، ئەمریکا ، کەنەدا ، فەڕەنسە ،ئیتاڵیا ، ئینگلس ، ئاڵمان و کۆمیسیۆنی ئەوروپا لە بەیاننامەیەکی ھاوبەش دا رایانگەیاند بانکەکانی روسیایا لە سیستمی سویفت جیاکردەوە .
سیستمی سویفت بۆ ناردن و وەرگرتنی ھەرجۆرە پەیامێکی دارایی لە نێوان بانکەکانی نێوخۆی وڵات و بانکەکانی دەرەوەی وڵاتە .
بەمجۆرە روسیا لە دەسڕاگەیشتن بە دراڤ و داراییەکانی خۆی لە بانکەکانی نێو ئەو وڵاتانە بێبەش دەکرێ.
وڵاتانی رۆژاوایی لەوان ئەمریکا و ئینگلیس و ئەندامانی یەکیەتی ئەوروپا ، بە دوای ھێرشی روسیا بۆسەر ئوکراین ، بایکۆتی قورسیان لە دژی مسکۆ داناوە .
حکومەتی روسیا لە دوو مانگ لەمەوبەرەوە پەکێجی پێشنیارکراوی خۆی بۆ دەستەبەری ئاسایشیی ڕادەستی ئەمریکا و ناتۆ کرد کە ئەندام نەبوونی ئوکراین لە ناتۆدا و کشانەوەی ھ ێزەکانی ئەم پەیمانە لە رۆژھەڵاتی ئەوروپای دەگرتەوە .
