لەقاودانی خرەفانی بایدێنی سەرۆکی ئەمریکا
ڕۆژنامەیەکی ئەمریکایی نووسی لە هەمان دەسپێکی گەیشتنی بایدێن بە کۆشکی سپی نیگەرانییەکان لەبارەی لاواز بوونی بیر و زەینی بۆ راپەڕاندنی کاروبارەکان دەست پێبوو.
واڵ ستریت ژۆرناڵ نووسی لە کاتێکدا کە جۆ بایدێنی تەمەن ٨٢ ساڵ لە ماوەی چوار ساڵی ڕابردوودا هەمیشە تۆمەتی ئەوەی لە سەر بووە کە عەقڵ و ئاوەزی لاواز بووە و بیر و هۆشی نەماوە و ئەم مەسەلەیەش لە کاتی دەیبەیتی نێوان بایدێن و ترەمپ و لێنەهاتوویی بایدێن بۆ وەڵامدانەوەی ڕەخنەکانی ترەمپ تەواو دەرکەوت، بەڵام ڕاوێژکارانی بایدێن هەر لە یەکەم مانگەکانی بە سەرۆک کۆمار بوونی بایدێن بۆیان دەرکەوت کە ئەو توانای جێبەجی کردنی ئەو پلان و بەرنامانەی نییە کە هەموو ڕۆژێ بۆی دادەڕێژن. کارمەندانی کۆشکی سپی وتوویانە لەبەر ئاوەزلەدەستدانی بایدێن زۆرێک لە کۆبوونەوە ڕۆژانەکانی لە کۆشکی سپی هەڵدەوەشانەوە و یان دوادەخران و پاش نیوەڕۆان بەڕێوە دەچوون.
بایدێن لە سەرجەم چوار ساڵ سەرۆک کۆمار بوونیدا تەنیا ٩ کۆبوونەوەی تۆکمە و تەواوی لەگەڵ کابینەکەی بەڕێوەبردووە.
