تاوسەندنی جوڵەی داعش لە 3 پارێزگەی عێراق
ئاب 29, 2020 14:58 Asia/Tehran
یەکێک لە بەرپرسانی حەشدی شەعبی گوتی ، پارێزگاکانی دیالە و کەرکوک و سەلاحەدین لە رۆژانی رابردوودا شایەتی جوڵەی تاقمی تیرۆریستیی داعش بوونە .
بە پێی راپۆرتی ھەواڵدەریی تەسنیم ، عەلی ئەلحسێنی ئەمڕۆ گوتی ، داعشیەکان ھیچ ھەڵمەتێکی تیرۆریستیی بێ داکۆکیی بیانی ئەنجام نادەن و ھەندێ وڵات ئێستاش پشتگری لە داعش دەکەن .
حسێنی گوتیشی ، ئەگەر لە باری ئاسایشییەوە لە ھەندێ پارێزگا کارێک نەکرێ ، تیرۆریستانی داعش ھەروا درێژە ئەدەن بە تاوانکاریەکانیان .
ئەم بەپرسەی حەشی شەعبی بە ئاماژە بەوەی کە داعش ھێرش دەکاتە سەر ھەندێ ئاوایی و لە حەشارگەکان خۆێ دەشارێتەوە گوتی ، دەبێ لە ھەڵمەتێکدا سێ پارێزگەی دیالە کەرکوک و سەلاحەدین لە داعش پاکتاو و شێوازەکانی یارمەتیدانی داعش ئاشکرا بکرێت .
