تیاچوونی دوو تیرۆریستی داعشی لە ڕۆژئاوای ئەنباری عێراق
کانونی یه‌که‌م 17, 2020 15:33 Asia/Tehran
وتەبێژی سەرکردایەتیی گشتیی ھێزە چەکدارەکانی عێراق باسی تیاچوونی دوو تیرۆریستی داعشیی کردووە لە ڕۆژئاوای ئەنباری عێراق.
«یەحیا ڕەسوڵ» وتەبێژی سەرکردایەتیی گشتیی ھێزە چەکدارەکانی عێراق ڕایگەیاند: ھێزەکانی لەشکری یەکی سوپای عێراق بە گوێرەی ئەو ھەواڵ و رانیارییە وردانەی کە لە لایەن دەزگاکانی ھەواڵگرییەوە پێیان گەییشت، بە ھاوکاریی ھێزی ئاسمانی لە باشووری ناوچەی « تەبەعات» لە ڕۆژئاوای «ئەنبار» دوو تیرۆریستیان کە یەکێکیان پشتێنی تەقاندنەوەی پێ بوو لەنێو برد.
وتەبێژی سەرکردایەتیی گشتیی ھێزە چەکدارەکانی عێراق جەختی لەوەش کردووەتەوە کە، ھێزەکانی عێراق ھەروەھا ترۆمبیلێکی تیرۆریستانیشیان لەم ناوچەیەدا کردە ئامانج و لەنێویان برد.
