گەڕانەوەی «موقتەدا سەدر» بۆ ململانێی ھەڵبژاردنەکانی عێراق
ڕابەری ڕەوتی سەدری عێراق وێڕای پاشگەز بوونەوە لە ھەڵوێستەکەی پێشووی سەبارەت بە بەشداری نەکردنی لە ھەڵبژاردنی پەرلەمانی، وتی: بەشداریی ھەڵبژاردنەکان دەکات.
«موقتەدا سەدر» ڕابەری ڕەوتی سەدری عێراق ڕۆژی ھەینی دوابەدوای دیداری لەگەڵ نوێنەرانی سیاسیی ڕەوتی سەدر لە نەجەف، بە فەرمی ڕایگەیاند: دەگەڕێتەوە بۆ ململانێکانی ھەڵبژاردن و ئەمجارەیان بە ھەمووان دەسەلمێنێ کە ڕەوتی سەدر گەورەترین فراکسیۆنی پەرلەمان دەبێت.
«موقتەدا سەدر» ھەروەھا داوای لە لایەنگرانی خۆی کرد کە چ مەیدانی لە خۆپبشاندانە ملوێنییەکان و چ لە بەر دئەم سندوقەکانی دەنگدان پشتگریی لێ بکەن.
ڕابەری ڕەوتی سەدری عێراق وتیشی: بەرژەوەندی وا دەخوازێت کە لە ھەڵبژاردندا بەشداری بکەین، ھەر بۆیە بەوپەڕی لێبڕاوییەوە بەشداریی ھەڵبژاردن دەکەین ھەتا عێراق لە گەندەڵی و داگیرکاری ڕزگار بکەین.
«موقتەدا سەدر» ڕابەری ڕەوتی سەدری عێراق مانگی ژولای ڕایگەیاند بوو کە قەت ھیچ بەشدارییەکی لە دەوڵەتی ئێستادا نییەو لە دەوڵەتی داھاتووشدا بەشداریی نابێت.
