کۆمیساریای باڵای ھەڵبژاردنەکانی عێراق رایگەیاند لە رۆژی چوارشەممەی ئەم حەوتەوە ژماردنەوەی بە دەستی دەنگەکان لە 13 پارێزگەی عێراق ئەنجام ئەدرێت .

بە پێی راپۆرتی ئەمڕۆ دوشەممەی ھەواڵدەریی واع ، کۆمیساریای باڵای ھەڵبژاردنەکانی عێراق بە دەرکردنی بەیاننامەیەک رایگەیاند : بە پێی 22 سکاڵای تۆمارکراو لە پارێزگاکانی دیالە ، نەینەوا ، میسان ، کەربەلا ، کەرکوک ، زیقار ، ئەنبار ، قادسیە ، سەلاحەدین ، موسەننا ، بەسرە و بەغدا و بابل ژماردنەوەی بە دەستی دەنگەکان ئەنجام دەبێت . 

بە پێی بەیاننامەی کومیساریای باڵا و سەربەخۆی ھەڵبژاردنەکانی عێراق ، ژماردنەوەی بە دەستی دەنگەکان لە 297 ناوەندی ھەڵبژاردن و لە چوارشەممەی داھاتوو( 27 ی ئوکتوبر ) لەو پارێزگایانە دەست پێدەبێت .