«فۆئاد حسەین» وەزیری دەرەوەی عێراق ئەمڕۆ پێنج شەممە باسی دەست پێ بوونی وتووێژەکانی نێوان ئێران و میسر و ئەردەنی کرد لە بەغداو وتیشی: وڵاتەکەی پێشنیاری ئەوەی کردووە کە دانوستانەکانی نێوان تاران و ڕیاز بکرێتە وتووێژێکی ئاشکراو گشتی.

بە پێی ڕاپۆرتی ئیرنا، وەزیری دەرەوەی عێراق لە دیمانەیەک دا لەگەڵ کەناڵی ئەلعەرەبیە بە دەربڕینی ئەمەی کە سیاسەتی دەرەوەی عێراق ھەتا ئێستا سەرکەوتوو بووەو گەلێک لە وڵاتان داکۆکیی لێ دەکەن، تیشکی خستە سەر پێشنیارەکەی عێراق بۆ ئەوەی دانوستانەکانی نێوان تاران و ڕیاز بکرێتە وتووێژێکی ئاشکراو گشتی و وتیشی: وتووێژێکیش لە بەغدا لە نێوان ئێران و میسر و ئەردەن دەستی پێ کراوە.وەزیری دەرەوەی عێراق ئەوەشی ڕاگەیاند کە، پەیوەندی لەگەڵ عەرەبستانی سەعودی زۆر باشەو خەریکی پەرە سەندنە.

ناوبراو لە بارەی گەشتەکەی شەممەی ڕابردووی مستەفا کازمی سەرۆک وەزیرانی عێراق بۆ عەرەبستانیش وتی: گەشتەکەی کازمی پەیوەست بوو بە پەیوەندیی بازرگانی و وتووێژی نێوان ڕیازو تارانەوە.