یانەی پێشمه‌رگه‌ی تۆپی سەرمێزی سلێمانی جامی یه‌که‌می عێراقی بردەوە
وه‌رزی ڕابردووی خولی نایابی تۆپی سه‌رمێزی کچانی یانه‌کانی عێراق له شاری هه‌ولێر ئه‌نجام دراو دوای چه‌ندین یاری به‌هێز کچانی غاز جامی یه‌که‌می عێراقیان له‌و وه‌رزه‌دا به‌رز کرده‌وه .
جیاواز له ساڵی ڕابردوو ، یه‌کێتی ناوه‌ندیی تۆپی سه‌رمێزی عێراق یارییه‌کانی وه‌رزی 2021-2022 ی گواسته‌وه شاری به‌غدادی پایته‌ختی عێراق و هه‌شت تیم له کێبڕکێکی ده‌ست خستنی نازناوه‌که‌ی بوون که چوار له‌و تیمانه به یاریزانی پیشه‌گه‌ر پێکهاته‌که‌یان تۆکمه کردبوو ، ئه‌مه‌و له دوایی حه‌وت سه‌رکه‌وتنی یه‌ک له دوایی یه‌ک ، کچانی پێشمه‌رگه‌ی سلێمانی توانیان جامی یه‌که‌م له شاری به‌سره‌وه بگه‌ڕێننه‌وه شاری سلێمانی و بیکه‌نه دیاری بۆ یانه‌که‌یان .
به‌ڵێن حه‌یده‌ر ڕاهێنه‌ری تیپی تۆپی سه‌رمێزی کچانی یانه‌ی وه‌رزشیی پێشمه‌رگه له باره‌ی ئه‌و ئه‌نجامه‌یان به پیشمه‌رگه سپۆرتی ڕاگه‌یاند که له‌م وه‌رزه‌دا ته‌نیا یانه‌ی غاز جنوب که له شاری به‌سره‌یه ڕکابه‌ر نه‌بوون به‌ڵکوو چوار یانه ڕکابه‌ری‌ان بۆ نازناوکه‌یان ده‌کرد که خۆش به‌ختانه دووباره کچه پیشمه‌رگه‌کانی سلێمانی به شایسته‌یی توانیان سه‌رکه‌وتن له دوایی سه‌رکه‌وتن به‌ده‌ست بهێنن و نازناوی ئه‌و وه‌رزه‌شیان برده‌وه و بوینه پاڵه‌وان له نێو پایته‌ختی عێراقه‌وه .
