چوار گۆڕی بەکۆمەڵ لە سنوری پارێزگای ئەنباری عێڕاق دۆزرانەوە
ئاب 06, 2023 12:27 Asia/Tehran
چوار گۆڕی بە کۆمەڵ لە سنوری پارێزگای ئەنبار دۆزرانەوە، لێکۆڵینەوە و پشکنییشن لە گۆڕە بەکۆمەڵەکان دەستیپێکردووە.
رێکخراوی شەھیدانی عێراق رایگەیاند، سێ گۆڕی بە کۆمەڵ لە باشووری ھیت و سەقلاویە و فەیاز لە نزیک فەلووجە و گۆڕێکی تر لە ناوچەی تاش لە پارێزگای ئەنبار دۆزرانەوە، بە ھەماھەنگی لەگەڵ ھێزەکانی ئاسایش لێکۆڵینەوە و پشکنین دەستپێکردوە، پلان بۆ ھەڵدانەوەی گۆڕەکان دادەنرێت.
رێکخراوەکە ئاماژەی بۆ ئەوەشکردووە، تائێستا دیار نییە، ئەو گۆڕانە پەیوەنییان بە رێکخراوی داعش ھەیە، یاخود دەگەڕێنەوە بۆ تاوانەکانی سەردەمی رژێمی بەعس.
