سوودانی خوازیاری کۆتایی خێراتری ئامادە بوونی ئەمریکا لە عێراق بوو
سەرۆک وەزیرانی عێراق ڕایگەیاند: وتووێژەکان لەگەڵ هاوپەیمانیی بەناو نێونەتەوەیی بۆ چوونەدەری بە تەواوی هێزە دەرەوەییەکان لە وڵات دەس پێی بوو و ئەو پڕۆسەیە تا سێپتامبری 2026 کۆتایی پێی دەێت .
محەممەد شیاع سوودانی جەختی کرد بەغدا خوازیاری کۆتایی هاتنی ئامادە بوونی هێزە بیانیەکانە تا عێراق ئیدی نەبێتە گۆڕەپانی تێکهەڵچوونی ناوچەیی و نێونەتەوەیی . ناوبراو وتیشی حکومەتی عێراق وتووێژی ڕاستەوخۆی لەگەڵ هاوپەیمانی نێونەتەوەیی دەس پێی کردووە ؛ هاوپەیمانیەک کە لە ساڵی ٢٠١٤وە بۆ بەرەنگاربوونەوەی گرووپی تیروڕیستی داعش لە عێراق پێکهات و لە ژێر چاودێرێ ئەمریکا چالاکی دەسپێکرد . سەرۆک وەزیرانی عێراق وتی عێراقی ئێستا، عێراقی ساڵی ٢٠١٤ نییە ئەمڕۆکە دۆخی ئاسایشی وڵات جێگیرە و هێزە ئاسایشیەکانی ئێمە لە سەرانسەری ناوچەدا سەقامگیرن. من خۆم چوومە ناوچەی "حوران" شوێنێ کە پێشتر کەس نەیدەوێرا بڕواتە ئەو جێگەیە . سوودانی وتیشی: لەماوەی وتووێژەکاندا لە گەڵ هاوپەیمانی نێونەتەوەیی ماوەیەکی دوو ساڵەی بۆ دیاری کراوە تا لە سێپتەمبەری 2026 ئامادە بوونی هێزەکانی هاوپەیمانی لە عێراق کۆتایی پێی بێت و پەیوەندی دوو لایەن لە هاوکاریی سەربازییەوە بگۆڕدرێ بۆ هاوکاری ئاسایشی دوو لایەنە .
