بیست و سێهەمین پێشانگای ڕۆژنامەو هەواڵدەرییەکان ئەمڕۆ شەممە بەئامادەبوونی ئیسحاق جەهانگیری یاریدەری یەکەمی سەرۆک کۆماری ئێران لە موسەلای ئیمام خومەینی(ڕە) ی تاران بەفەرمیی دەسپێکرا.

بەپێی ڕاپۆری هەواڵدەریی ئیرنا، دروشمی بیست و سێهەمین پێشانگاری ڕۆژنامەو هەواڵدەرییەکان، "میدیای ئازاد، یەکگرتوویی کۆمەڵایەتی، پێشکەوتنی نیشتمانی"یە.

لە پێشانگای بیست و سێهەمی ڕۆژنامەو هەواڵدەرییەکان، نوێنەرانی٩٤٠میدیا لە چوارچێوەی٦٠٠ژووردا بەشدارن.

لە بەشی نێودەوڵەتیی بیست و سێهەمین پێشانگای ڕۆژنامەو هەواڵدەرییەکان، رۆژنامەوانانی چوار کیشوەری جیهان هاتوونەتە ئەو پێشانگایەو لە دانیشتنە پسپۆرییەکان کە پرسە سەرەکییەکەی"هاریکاریی میدیایی"یە، بەشدار دەبن.

بیست و سێهەمین پێشانگای ڕۆژنامەو هەواڵدەرییەکان هەتا سێیەمی نۆڤمبەری٢٠١٧ بەردەوامە.