باری تەندروستیی مامۆستا شەجەریان ناجێگیرە
بەرپرسێکی باڵای نەخۆشخانەی جەمی تاران وێڕای شیکردنەوەی دوایین رەوشی تەندروستیی مامۆستا محەمەد رەزا شەجەریان گوتی : باری تەندروستی مامۆستا شەجەریان لە بەیانیەوە نەگۆڕاوە و بە داخەوە ناجێگیرە .
مێھرداد بەھلولی ئەندامی لیژنەی بەڕێوەبەرایەتی نەخۆشخانەی جەمی تاران ئێوارەی دوشەممە دەنگۆی ژیانئاوایی مامۆستا شەجەریانی رەتکردەوە و گوتی تێکڕای کادێری نەخۆشخانەکە لەسەر سەری مامۆستان و ھەر کارێکی دەرمانیی پێویست بێ بۆ ئەنجام ئەدەن .
وتیشی : جیا لە کێشە و گرفتە تەندروستیەکانی پێشوو ، دابەزینی پلاکێتی خوێن و کێشەی گورچیلە و تورەکەی زراویش ھەیە .
دوێنێ نەخۆشخانەی جەم ئاگاداریەکی بڵاوکردەوە و لە ھەموو لاگران و ھۆگرانی مامۆستا شەجەریانی ویست دوعای بو بکەن .
مامۆستا شەجەریان گەورەترین ھونەرمەندی بواری ئاواز و مۆسیقای نەریتیی ئێرانە و وەک خەسرەوی ئاوازی ئێران ناوی دەبرێ .
