خاتونێکی ئێرانی خەڵاتی باشترین دەرھێنەری لە فستیڤاڵی «ئێسکرین پاڤێر_screen power »ی لەندەن بردەوە.

بە پێی ڕاپۆرتی ڕۆژی چوارشەممەی ئیرنا، «موژگان بەیات» خاتونی ئێرانی بۆ دەرھێنانی فیلیمی« ڕۆڵەی زەوی» خەڵاتی باشترین دەرھێنەری لە فستیڤاڵی «ئێسکرین پاڤێر_screen power »ی لەندەن بە خۆی تەرخان دا.

فیلیمی« ڕۆڵەی زەوی» چەمکێکی کۆمەڵایەتیی ھەیە و بەسەرھاتی ژیانی منداڵێکی دە ساڵان دەگێڕێتەوە کە بە چوونی بۆ سەرزەوینێکی تازە ژیانێکی جیاواز تاقی دەکاتەوە.

ئەم فیلیمە لەم دواییەش دا ڕێی لە نۆزدەھەمین خولی کۆڕەجێژنی «داکا»ی بەنگلادیش و بیست و یەکەمین خولی کۆڕەجێژنی «ئوھا»ی ئەمریکا کەوتووە.