بەرشەلۆنە جارێکی دیکەش نەیتوانی سەرکەوتن تۆماربکات
لە چوارچێوەی یارییەکانی هەفتەی هەشتەمی خولی یانەکانی ئیسپانیا یانەی ئەلەڤێس لە یاریگای خۆیدا میوانداری یانەی بەرشەلۆنەی کرد و یارییەکەشیان بە گۆڵێک بۆ هەردوولا کۆتایی هات.
لە نیوەی یەکەمی یارییەکە و لە خولەکی 31ی یارییەکەدا لویس ریۆخا بە سود وەرگرتن لە هەڵەی پیکێ و نیتۆ گۆڵی پێشکەوتنی بۆ یانەی خاوەن یاریگا تۆمارکرد و نیوەی یەکەم بەو ئەنجامە کۆتایی هات، لە نیوەی دوەم و لە خولەکی 62 رمایۆ لە یانەی ئەلاڤێس بە کارتی سوور کرایە دەرەوەی یارییەکە، دوو خولەک دوای کردنە دەرەوەی ئەو یاریزانە گریزمان گۆڵی بەرامبەری تۆمارکردەوە.
لەگەڵ ئەوەی یاریزانانی یانەی بەرشەلۆنە هەوڵی زۆریاندا بۆ تۆمارکردنی گۆڵی دوەم، بەڵام سەرکەوتو نەبون و یاریەیکەش بەو ئەنجامە کۆتایی هات.دوای یەکسان بوون لەم یارییەدا بەرشەلۆنە بە کۆکردنەوەی 8 خاڵ لە 6 یارییدا ڕیزبەندی 12یەمی خولەکەی گرتوە و ئەلاڤێسیش خاوەنی هەمان خاڵە و لە ریزبەندی سیازدەیەمدایە.
