خشتە و کاتی یارییەکانی ئەمڕۆ، شەممە بەکاتی هەرێمی کوردستان
ئەمڕۆ خولە ناوخۆییەکانی ئەوروپا بەردەوامییان دەبێت و لە ئینگلتەرا و ئەڵمانیا و ئیسپانیا و فەرەنسا و ئیتاڵیا چەندین یاری بەهێز ئەنجامدەدرێن.
لە خولی نایابی ئینگلتەرا یارییەکانی هەفتەی (14) ئەنجامدەدرێن و یانەکانی لیڤەرپوڵ و مانچستەر سیتی و ئارسیناڵ ڕوبەڕوی یانەکانی کریستاڵ پاڵاس و ساوزامپتن و ئێڤەرتۆن دەبنەوە.
لە چوارچێوەی کێبڕکێکانی هەفتەی 14ی خولی ئیسپانیا و لە یاری لوتکەدا، یانەی بەرشلۆنە لە یاریگای خۆیدا “نو کامپ” میوانداری ڤالێنسیا دەکات.
لە ئیتاڵیا سێ یاری بەهێز ئەنجامدەدرێن، گرنگترینیان لە یاریگای ئینیۆ تاردێلی لە نێوان پارما و یوڤانتۆس دەکرێت.
لە خولەکانی ئەڵمانیا و فەرەنسا یارییەکانی هەفتەی 13 و 16 سازدەکرێن، لە گرنگترینیاندا بایەرلیڤەرکوزن و بایرن میونشن ڕوبەڕودەبنەوە.
کیشوەری ئاسیا ئەمڕۆ یارییەکی گەورە بە خۆیەوە دەبینێت، کە ئەویش یاری کۆتایی خولی یانە پاڵەوانەکانی ئاسیایە لە نێوان یانەکانی پێرسپۆلیسیی ئێرانی و ئۆڵسان هیوندای کۆریای باشوور.
ئەم یاریە ئێستا خەریکە بەڕێوەدەچێ و تا ئەم کاتە لە نیوەی یەکەم گۆڵێک تومار نەکراوە .
