دووهه‌مین سه‌رکه‌وتنی یانەی پێشمەرگەی سلێمانی
کانونی دوھەم 06, 2021 15:11 Asia/Tehran
یانەی پێشمەرگەی سلێمانیی ھەرێمی کوردستان دووھەمین سەرکەوتنی خۆی لە بواری وەرزشی باڵە لە ئاستی عێراق دا تۆمار کرد.
بە پێی ڕاپۆرتی بەشی وەرزشیی میدیاکانی ھەرێمی کوردستان ، له خولی نایابی باڵە‌ی یانه‌کانی عیراق، تیپی باڵە‌ی یانه‌ی «پێشمه‌رگه»ی سلێمانیی ھەرێمی کوردستان دووهه‌مین سه‌رکه‌وتنی له‌سه‌ریه‌کی خۆی تۆمارکرد.
پێشنیوه‌رۆی ئه‌مرۆ چوارشه‌ممه ٦-١-٢٠٢١ له هۆڵی «ئه‌ندازیار ئه‌حمه‌د» له شاری سلێمانی ، تیپی باڵە‌ی یانه‌ی «پێشمه‌رگه»ی سلێمانی به‌رامبه‌ر یانەی «قاسم» وه‌ستایه‌وه‌و تیپی خاوه‌ن هۆڵ توانی یارییه‌که به ئاستێکی به‌رزو به سێ گێمی بێبه‌رامبه‌ر بباته‌وه .
خاڵی گێمه‌کانیش لە ٢٥_١٩ ، ٢٥_١٤ و ٢٥_٢٣ پێکهاتبوون.
