لالیگا ، درێژەی سەرکەوتنی بەدوای یەکی بارسێلۆنا بە بردنەوە لە یانەی بێتیس لە زەوینی خۆیدا
سەرکەوتنی بەدوای یەکی یانەی تۆپی پێی بارسێلۆنا بەبردنەوەی ئەو تیمە لە یاریەکی حەفتەی بیست و دووهەمی لالیگا لە تیمی ریئالی بێتیس درێژەی بووە.
لە دوایاریی شەوی سێهەمی حەفتەی بیست و دووهەمی لالیگا یانەکانی تۆپی پێی بارسێلۆناو ریئالی بێتیس لە یاریگەی بێنیتۆ ویامارین کەوتنە ململانێ کە ئەو یارییە بە سەرکەوتنی سێ بەدووی یانەی بارسێلۆنا کۆتایی پێهات.
لەو پێشبڕکێیەدا یانەی بێتیس گۆڵی یەکەمی خستەنێو تۆڕی گۆڵی بارسێلۆنا بەڵام لیونێل مێسی کاپیتانی بارسێلۆنا لە خولەکی٥٩دا ئەو گۆڵەی بێتیسی قەرەبوو کردەوە و لە خولەکی٦٨ بەهۆی گۆڵێک کە یاریزانی تیمی بێتیس خستیەنێو تۆڕی گۆڵی تیمەکەی خۆی، بارسێلۆنای وەپێش خست، بەڵام ئەو یاریزانە تەنیا حەوت خولەک دواتر هەڵەی خۆی قەرەبوو کردەوەو گۆڵی یەکسانی بۆ بێتیس تۆمارکرد.
سەرباری ئەوەش، لەمەودای سێ خولەکی ماوە هەتا کۆتایی کاتی ئاسایی پێشبڕکێکە، فرانسیسکۆ ترینکائۆ گۆڵی سەرکەوتنی میوانی کاتالانی خستەنێو تۆڕی گۆڵی بێتیس.
بەم چەشنە بارسێلۆنا بە دەس خستنی سێزدەیەمین سەرکەوتنی لە بیست ویەکەمین یاریی خۆیدا بوو بەخاوەنی ٤٣ ئیمتیاز و مەودای خۆی لەگەڵ ئەتلێتیکۆ مەدرید کە بەدوو یاریی کەمتر سەدرنشینە، بۆ حەوت خاڵ کەم کردو جگە لەوە، پلەی دووهەمی خشتەشی لە ریئالی مەدرید سەندەوە.
ئەوە شەشەمین سەرکەوتنی بەدوای یەکی شاگردانی رۆناڵد کومان لەهەموو ڕکابەرییەکان بوو.
