قەدەغەی بڵاو بوونەوەی دراماکانی تورکیا لە تاجیکستان
شوبات 12, 2021 02:31 Asia/Tehran
سەرۆکی لێژنەی دەوڵەتیی ڕادیۆو تەلەفزیۆنی تاجیکستان لەگەڵ بڵاو بوونەوەی دراماکانی دروست کراوی تورکیا لە کەناڵە تەلەفزیۆنییەکانی ئەم وڵاتە دژایەتیی کرد.
بە پێی ڕاپۆرتی ڕادیۆ تاجیکی دەرەوەی سنوور، «نورەددین سەیید» سەرۆکی لێژنەی دەوڵەتیی ڕادیۆو تەلەفزیۆنی تاجیکستان ڕایگەیاندووە، ئامانجی سەرەکیی تورکیا لە چێکردنی وەھا دراماگەلێک برەو پێدانی کلتوور و داب و نەریتی ئەم وڵاتەیە و دیارە وەھا دراماگەلێکیش لەگەڵ داب و نەریتی ئێمەی تاجیک دا یەک ناگرێتەوە.
سەرۆکی لێژنەی دەوڵەتیی ڕادیۆو تەلەفزیۆنی تاجیکستان باسی دامەزرانی کەناڵی «زانست و سروشت»یشی کرد لە بەھاری داھاتوودا.
بە قسەی «نورەددین سەیید» لە تاجیکستان دا ٩٠ کەناڵی ڕادیۆو تەلەفزیۆنی دەوڵەتی و تایبەتی چالاکی دەنوێنن.
