ئینتەرمیلان لوتکەی کالچیۆی گرت و لوکاکۆ لەگەڵ کریستیانۆ هاوتا بووەوە
شوبات 15, 2021 08:58 Asia/Tehran
شەوی رابردوو لە چوارچێوەی ڕوبەڕوبوونەوەکانی هەفتەی 22ی خولی پلە یەکی ئیتاڵیا، یانەی ئینتەرمیلان بردنەوەیەکی گرنگی بەرانبەر لازیۆ تۆمارکرد.
ئینتەرمیلان لە جوسێپی میاتزا میوانداری یانەی لازیۆی کرد و یاری نێوانیان بە ئەنجامی سێ گۆڵ بەرانبەر گۆڵێک لە بەرژەوەندی کوڕانی کۆنتی کۆتاییهات.
گۆڵەکانی نێراتزۆری لە خولەکەکانی 22 و 45 و 64 لەلایەن ڕۆمێلو لوکاکۆ (دوو گۆڵ) و لاوتارۆ مارتینێز، گۆڵەکەی لازیۆ لە خولەکی 61 لەلایەن گۆنزالۆ ئیسکالانتییەوە تۆمارکران.
