یارییەکانى پاڵاوتنى مۆندیال لە ئەمریکاى لاتین دواخرا
ئادار 07, 2021 14:06 Asia/Tehran
یەکێتى تۆپى پێى جیهان و یەکێتى تۆپى پێى ئەمریکاى لاتین ڕێککەوتن لەسەر دواخستنى یارییەکانى جەولەى پێنجەم و شەشەمى پاڵاوتنى نەتەوەکانى ئەمریکاى لاتین بۆ مۆندیالى 2022ى قەتەر.
فیفا ڕایگەیاندووە، هۆکارى دواخستنى یارییەکان، کە بڕیاربوو لە کۆتایى ئەم مانگەدا ئەنجامبدرێن، بەهۆى ڤایرۆسى کۆرۆنا و ڕێوشوێنەکانى خۆپاراستن لە ڤایرۆسەکەوە بووە.
بڕیارەکەش دواى ئەوە هات، یانەکانى ئەوروپا ڕەتیانکردەوە ڕێگە بە یاریزانەکانیان بدەن پەیوەندى بە هەڵبژاردەکانیان لە ئەمریکاى لاتین بکەنەوە و دواتر پاش گەڕانەوەیان 10 ڕۆژ لە کەرەنتینەدابن.
لە ئێستادا یەکێتى تۆپى پێى جیهان خوێندنەوە بۆ دانانى خشتەیەکى نوێ بۆ یارییەکان ئەو کیشوەرە دەکات و تا ئێستاش ئاماژە بە کاتى نوێى یارییەکان نەکراوە.
