یارییەکانی ئەمڕۆ شەممەی خولە ناوخۆییەکانی ئەوروپا
ئەمڕۆ، شەممە خولە ناوخۆییەکانی ئەوروپا دەستپێدەکەنەوە و چەندین یاری بەهێز ئەنجامدەدرێن، گرنگترینیان کلاسیکۆی ئیسپانیا دەبێت لەنێوان یانەکانی ڕیاڵ مەدرید و بەرشلۆنە.
لە خولی نایابی ئینگلیزی یارییەکانی هەفتەی 31 ئەنجامدەدرێن، گرنگترینیان لەنێوان یانەکانی مانچستەر سیتی و لیڤەرپوڵ و چێڵسی بەرانبەر لیدز یونایتد و ئەستۆن ڤێلا و کریستاڵ پاڵاس دەبێت.
لە ئیسپانیا یاری لوتکە و کلاسیکۆی گەڕانەوەی لالیگا (هەفتەی 30) لەنێوان یانەکانی ڕیاڵ مەدرید و بەرشلۆنە لە یاریگای دی ستیفانۆی تایبەت بە یانەی شاهانە سازدەکرێت.
لەم رووبەڕوبوونەوە مێژووییەدا سێرجیۆ ڕامۆس، ڕافائێل ڤاران و دانی کارڤاخال بەهۆی پێکانەوە ناتوانن بەشداری بکەن، لە بەرانبەردا گومان لە بەشداریکردنی جێرارد پیکێ دەکرێت لە جەمسەری بەرشلۆنە.
لە خولەکانی ئیتاڵیا و ئەڵمانیا و فەرەنساش چالاکیی هەفتەکانی (30 و 28 و 32) درێژەیان دەبێت.
