ستایشی فیدراسیۆنی جیھانیی باڵە لە «سەیید موحەممەد موسەوی»
فیدراسیۆنی جیھانیی باڵە ستایشی یاریزانی تیپی نیشتیمانیی ئێرانی کرد.
بە پێی ڕاپۆرتی ئیسنا، فیدراسیۆنی جیھانیی باڵە بە بڵاو کردنەوەی گرتەیەک لە کەشی مەجازی دا لە «سەیید موحەممەد موسەوی» یاریزانی تیپی نیشتیمانیی ئێران ڕێزی گرت.
فیدراسیۆنی جیھانیی باڵە لە ماوەی ئەم چەند ڕۆژە ی کە ھەتا بەرپا کرانی یارییەکانی ئۆلەمپیکی تۆکیۆ ماوەتەوە، نووسیویەتی: تیپی نیشتیمانیی باڵەی ئێران تەنیا پێنج یاریزانی خاوەن ئەزمونی لە پێڕستی ئۆلەمپیکی خۆی دا ھەیە و یەکێکیان «سەیید موحەممەد موسەوی»یە.
لەم بابەتەی فیدراسیۆنی جیھانیی باڵەدا کە لە کەشی مەجازی بڵاوی کردووەتەوە ھاتووە: شارەزایی «سەیید موحەممەد موسەوی» دەتوانێ ئێران بەرەو سەرکەوتن پاڵ پێوە بنێت.
«سەعید مەعروف» ،« جەواد کەریمی»، «سەیید موحەممەد موسەوی»، «مەسعود غوڵامی»، «عەلی ئەسغەرموجەڕەد»، «ئەمیر غەفوور»،«سابر کازمی»، «میلاد عیبادی پوور»، «مەیسەم ساڵحی»، «مورتەزا شەریفی»، «مەهدی مەرەندی» و «ئارمان ساڵحی» ئەو ١٢ یاریزانەی تیپی نیشتیمانیی باڵەی ئێرانن کە ڕەوانەی یارییەکانی ئۆلەمپیکی تۆکیۆ دەکرێت.
«ڤلادیمیر ئالێکنۆ» گەورەڕاھێنی تیپی نیشتیمانیی باڵەی ئێرانیش لە ئۆلەمپیکی تۆکیۆدا ئامادە دەبێت.
