ئۆلەمپیک ،،، زێڕی باڵەی ئافرەتان گەییشتە ئەمریکا
ئەمریکا میدالیای زێڕی باڵەی ئافرەتانی یارییەکانی ئۆلەمپیکی تۆکیۆی بردەوە.
بە پێی ڕاپۆرتی ئیرنا، کێبەرکێی کۆتایی و ڕیزبەندیی باڵەی ئافرەتانی ئۆلەمپیکی تۆکیۆ، بەیانیی ئەمڕۆ بەرپا کرا و لە دوا ململانێ دا تیپەکەی ئەمریکا بە دەرەنجامی سێ بە سیفر برازیلی بردەوە. ھەر سێ گەیمەکەی ئەم کێبەرکێیە بە دەرەنجامی ۲۵ بە ۲۱، ۲۵ بە ۲۰ و ۲۵ بە ۱۴ به قازانجی ئەمریکا کۆتایی ھات.
برازیل لە کاتێکدا ئەمڕۆ میدالیای زێڕی لە دەست دا تەواوی حەوت یارییەکەی خۆی لەم تۆڕنۆمێنتەدا بە سەرکەوتن وەپشت سەر نا بوو.
بەرلەم یارییەش سێریێستان ھەر بەم دەرەنجامە لە بەربەستی کۆریای باشووری پەڕی بووەوەو میدالیای برۆنزی مسۆگەر کرد بوو.
دوێنێ لە بەشی پیاوان دا فەرەنسا،لێژنەی ئۆلەمپیکی ڕووسیاو ئەرژەنتین میدالیاکانی زێڕ، زیوو برۆنزیان بە خۆیان تەرخان دا بوو. لە باڵەی کەناراویی پیاوانی نەرویژ، لێژنەی ئۆلەمپیکی ڕووسیاو قەتەرو باڵەی کەناراویی ئافرەتانی ئەمریکا، ئوسترالیاو سوییسڕا لە پلەکانی یەکەم ھەتا سێھەم وەستان.
