تیپی ئێران توانی پلەی یەکەم لە کێبەرکێی ئۆنلاینی وەرزشە زۆرخانەییەکان مسۆگەر بکات.

کێبەرکێی یەک ڕۆژەی وەرزشە زۆرخانەییەکان بە بەشداریی تیپەکانی ئێران، ئەفغانستان، پاکستان ، عێراق و ئۆگادا بە شێوەی ئۆنلاین ڕۆژی شەممە بەرپا کرا کە لە کۆتایی ئەم کێبەرکێیە تیپی ئێران بە ٢١٢ خاڵ بوو بە یەکەم.

تیپەکانی ئەفغانستان بە ١٧٩ خاڵ و ئۆگانداش بە ٨٥ خاڵ پلەی دووھەم و سێھەمیان دەست خست.

کێبەرکێی پاڵەوانیی ئاسیا خەزەڵوەری ١٤٠٠ی کۆچیی ھەتاوی بە بەشداریی ٢٥ وڵات و بە میوانداریی ھیند بەرپا دەکرێت.