«مەیسەم دلخانی» سێھەمین میدالیای زێڕی ئێران لە ململانێی زۆرانی فەرەنگیی پاڵەوانەتیی جیھانی بردەوە
تشرینی یه‌که‌م 10, 2021 21:55 Asia/Tehran
زۆرانبازی ئێرانی، میدالیای زێڕی کێشی ٦٣ کیلۆگرامی ململانێی جیھانیی زۆرانی فەرەنگیی لە نەرویژدا مسۆگەر کرد.
بە پێی ڕاپۆرتی یانەی پەیامنێرانی لاو، «مەیسەم دلخانی» نوێنەری کێشی ٦٣ کیلۆگرامی زۆرانی فەرەنگیی ئێران ڕۆژی یەکشەممە لە ململانێی قۆناغی کۆتایی ئەم کێشەدا لە بەرامبەر «لەری ئابولادزە» لە گورجستانەوە بە دەرەنجامی ٥ بە ٤ سەرکەوت و بوو بە خاوەنی میدالیای زێڕی کێبەرکێکانی جیھانیی زۆرانی فەرەنگی لە ئۆسلۆی نەرویژلە حەوت کێشی یەکەمی ئەم کێبەرکێیانەدا ھەتا ئێستا بۆ تبیپی ئێران «موحەمەد ھادیی سارەوی» و «عەلی ئەکبەر یوسفی» لە کێشەکانی ٩٧ و ١٣٠ کیلۆگرام میدالیای زێڕو «موحەممەد عەلی گەرایی» و «پژمان پەشتام» لە کێشەکانی ٧٧ و ٨٢ کیلۆگرام میدالیای برۆنزیان مسۆگەر کردوە.
