زانکۆی سەنعەتیی شەریف دەزگای سکەنێری جەستە بەرهەم دێنێ
کانونی یه‌که‌م 23, 2021 16:41 Asia/Tehran
لێکۆڵەرانی ئێرانی لە بەرهەم‌ھێنانی دەزگای سکەنێری جەستە بە پێی تەکنۆلۆژیای شەپۆلی میلی‌مەتری سەرکەوتوو بوون.
بە پێی راپۆرتی ناوەندی ھەواڵدەریی میھر، پرۆژەی بەرهەم‌هێنانی سکەنێری جەستە لە ساڵی ۱۳۹۳ بە پشتیوانیی جێگرایەتی لێکۆڵینەوەی زانکۆی سەنعەتیی شەریف و بە بەشداریی ژمارەیەک لە خوێندکاران و ماموستایانی ئەم زانکۆیە دەستی پێ کرا.
پاش تێپەڕکردنی قۆناغی یەکەم، یەکەمین نموونەی دەزگای سکەنێری بەرهەم هێنراو لە ساڵی ١٣٩٧ کەوتە گەڕ.
«ئەمین خەواسی» بەڕێوەبەری کۆمپانیای بەرهەم هێنەری سکەنێر وتی: چۆنایەتی ئەم ئامێرە لە چاو نموونە بیانییەکانی دا زۆر باشتر و نرخیشی کەمترە. تا ئێستا نمونەیەک لەم دەزگایە بە کۆمپانیایەکی دەوڵەتی فرۆشراوە و لە ئێستادا خەریکین گرێبەستێک واژۆ دەکەین بۆ فرۆشتنی چوار نموونەی دیکەش.
