تێکواندۆکاری کێشی سەرووی ٨٠ کیلۆگرامی ئێران میداڵیای زێری ئۆلمپیکی ٢٠٢٤ی پاریسی بردەوە.

ئارییەنی سەلیمی سوپەرئەستێرەی تەمەن ٢١ ساڵی کرماشانی کە تێکواندۆکاری کێشقورسی تیمی هەڵبژاردەی پیاوانی ئێرانە لە فیناڵی ئۆلمپیکی ٢٠٢٤ی پاریسدا لە خەنیمە بەریتانییەکەی بردەوە و بوو بە پاڵەوانی ئۆلمپیک.

سەلیمی لە یەکەم پێشبڕکێی خۆیدا "نیکیتا ڕافالۆڤیچ"ی ئۆزبەکستانی (ڕەنکی ٧ی جیهان) شکست پێهێنا و لە قۆناغی یەک چوارەمی فیناڵدا بە بردنەوە لە "کارلۆس سانسێڤێرس"ی مکزیکی (ڕەنکی ٢ی جیهان)، گەیشتە قۆناغی پێشفیناڵ.

سەلیمی لە پێشفیناڵیشدا خەنیمی بەهێزی خۆی "ئیڤان شاپینا"ی کوروات (ڕەنکی ٣ی جیهان)ی شکست پێهێنا و گەیشتە فیناڵ.

شایانی باسە ئاریەن سەلیمی پاش ناهید کیانی و مێهران بەرخۆرداری، سێهەمین تێکواندۆکاری ئێرانی بوو لە ئۆلمپیکی ٢٠٢٤ کە گەیشتە قۆناغی فیناڵ.