سەرۆکی مەکتەبی سیاسیی بزوتنەوەی حەماس لە غەززە لە پەیوەندییەکی تەلەفۆنیدا لەگەڵ «ئەمیر عەبدوڵڵاهیان» پشتیوانیی سیاسیی نەتەوە و حکومەتی ئێرانی بۆ نەتەوەی فەلەستین بەرز نرخاند.

بە پێی ڕاپۆرتی هەواڵدەریی فارس، «حسێن ئەمیرعەبدوڵڵاهیان»، وەزیری دەرەوەی کۆماری ئیسلامیی ئێران کە لە بەیرووتە، ڕۆژی هەینی لە پەیوەندییەکی تەلەفۆنیدا لەگەڵ «یەحیا ئەلسەنوار»، سەرۆکی مەکتەبی سیاسیی بزوتنەوەی خۆڕاگریی ئیسلامیی فەلەستینی حەماس لە غەززە، جەژنی ڕەمەزانی لە خۆی و خۆڕاگری و گەلی فەلەستین پیرۆز کرد.

«یەحیا ئەلسەنوار»ش پیرۆزبایی ئەم جەژنەی لە ڕابەری مەزنی شۆڕش و حکومەت و نەتەوەی ئێران پیرۆز کردو سوپاس و پێزانینی خۆی بۆ پاڵپشتیی سیاسیی نەتەوە و حکومەتی کۆماری ئیسلامیی ئێران لە نەتەوەی فەلەستین دەربڕی.