کاردانەوەی گروپەکانی فەلەستین بەرامبەر بە شەھید بوونی «خزر عەدنان»
گروپە فەلەستینییەکان لە کاردانەوەیەک دا بەرامبەر بە شەھید بوونی «خزر عەدنان» لە بەندیخانەی ڕژێمی زایونی، داگیرکەرانی زایونییان بە ھۆکاری ئەم تاوانە زانی.
«خزر عەدنان» لە ئەندامانی ھەڵکەوتەی بزوتنەوەی جیھادی ئیسلامیی فەلەستین لە ٨٦ ڕۆژ لەمەوبەرەوە مانی لە خۆرادن گرتبوو، بەیانیی ئەمڕۆ لە بەندیخانەی «نەیستان» لەبەر لاواز بوون بوورایەوەو شەھید بوو.
بە پێی ڕاپۆرتی تەلەفزیۆنی ئەلمەیادین، «حازم حەسەنەین» وتەبێژی نووسینگەی ڕاگەیاندنی دیلەکانی فەلەستین ڕۆژی سێ شەممە ڕایگەیاند: داگیرکەرانی زایونی لە بەندیخانەکانی ئەم ڕژێمەدا بە تاوانێکی تازەوە دژی دیلەکانی فەلەستین تێوەگلاون و ھۆکاری شەھید بوونی «خزر عەدان»ن.
«حازم حەسەنەین» وتیشی: شەهید بوونی «خزر عەدنان» بەڵگەیەکی دیکەی تاوانە بەردەوامەکانی داگیرکاریی زایۆنیستی دژ بە زیندانیانی فەلەستینییە.
«مستەفا ئەلبەرغوسی» ئەمینداری گشتیی بزوتنەوەی دەستپێشخەریی نیشتمانیش ڕایگەیاند: ڕژێمی داگیرکەری زایۆنی بەرپرسیارە لە تیرۆرکردنی «خزر عەدنان»ی خەباتکاری بوێر.
بزوتنەوەی موجاهیدینیش ڕایگەیاند کە دوژمنی زایۆنی بەرپرسیارە لەم تاوانە دژ بە خزر عەدنان و دەبێ هەموو دەرئەنجامەکانی قبوڵ بکات.
لە ئێستادا بە پێی ڕاگەیاندنی دامەزراوە یاساییەکانی فەلەستین، ژمارەی زیندانیانی فەلەستینی لە زیندانەکانی ڕژێمی زایۆنی گەیشتووەتە نزیکەی ٤٩٠٠ کەس.
