وەزارەتی تەندروستی فەلەستین لە کەرتی غەززە ڕایگەیاند، ژمارەی شەهیدانی پەلامارەکانی سوپای زایونی بۆ سەر کەرتی غەززە گەیشتووەتە ٤٨ هەزار و ٢٦٤ کەس. .

بەپێی ئاماری وەزارەتی تەندروستی فەلەستین لە کەرتی غەززە، لە ئەنجامی  پەلامارەکانی  سوپای زایونی بۆ سەر کەرتی غەززە لە ٧ی ئۆکتۆبەری ساڵی ڕابردووەوە تا ئێستا ٤٨ هەزار و ٢٦٤ کەس شەهید بوون و لە ٢٤ کاتژمێری ڕابردووشدا تەرمی ٢٥ شەهیدیش بۆ نەخۆشخانەی غەززە گواستراونەتەوە. ژمارەی بریندارانی پەلامارەکانی  سوپای زایونی  بۆ سەر کەرتی غەززە لە سەرەتای دەستپێکردنی شەڕ لە کەرتی غەززە گەیشتووەتە ١١١ هەزار و ٦٨٨ کەس. تا ئێستاش هەزاران کەسی دیکە بێسەروشوێنن و لە ژێر داروپەردوودا لە کەرتی غەززە نێژراون.