ژینۆسایدی ڕژێمی زایۆنی لە فەلەستینی پشتڕاست کرایەوە
لیژنەی سەربەخۆی لێکۆڵینەوەی ڕێکخراوی نەتەوە یەکگرتووەکان ڕایگەیاند ڕژێمی زایۆنی لە ٧ی ئۆکتۆبرەوە لە هەموو ناوچە داگیرکراوەکاندا ژینۆساید و بنپێکردنی مافی فەلەستینییەکانی ئەنجامداوە.
ئەم لیژنەیە ڕاشیگەیاند کە سوپای ڕژێمی زایۆنی بە ئەنقەست دەستی داوەتە تیابردنی دامودەزگەکانی تەندرووستی و دەرمانی غەززە و پێشی گرتووە بە گەیشتنی دەرمان و کەرەستەی پزشکی بەم کەرتە.
بە پێی ئەم ڕاپۆرتە دیلە فەلەستینییەکانیش کەوتوونەتە بەر ئازاری جەستەیی و دەەروونی و بێڕێزییان پێ کراوە.
لیژنەی سەربەخۆی لێکۆڵینەوەی ڕێکخراوی نەتەوە یەکگرتووەکان وتیشی: ئەو منداڵانەی ئەمڕۆ لە غەززە لە دایک دەبن ، چ لە سەردەمی شیرخواردنیان و چ پاش گەورەبوونیان، هەروەها ئەو منداڵانەی کە بە هۆی پیسبوونی ئاو، سەرما و سۆڵە و برسێتی تووشی نەخۆشین و گرفت بوونە، هەموویان مەترسیی مردنیان لەسەرە.
